دليل للإجازات في الإعلامية بتونس: الفروقات، الآفاق، والمسارات بعد التخرّج

إجازة في إعلامية التصرف

إجازة في علوم إعلامية

إجازة في هندسة نظم الإعلامية

إجازة في تكنولوجيات الإعلامية

باهي يا سيدي عندنا الإجازة في علوم الإعلامية حاجة طيارة برشا و فيها برشا افاق اساسياتها math - algorithme مع تركيز على تطوير المهارات الفردية متاع الطالب و طريقة تفكيرهم و انفتاحهم على الخورزميات كيفما (les systèmes logique - logique séquentielle - logique formelle ) كيف كيف تطوير مهارات المعرفية في مجال التكنولوجيا (architecture des ordinateurs - multimédia ) و مواد اخرى اضافية كيفما technique de communication و anglais ... و في السنة الثانية يصير توجيه داخلي في الإجازة يا تكمل multimédia ولا génie logiciel ... 

كيف كيف عندنا الإجازة في هندسة نضم الإعلامية حاجة طيارة برشا زادة و فيها برشا افاق و جديدة في تونس اساسياتها math- physique - algorithme مع تركيز على تطوير المهارات الفردية متاع الطالب و طريقة تفكيرهم و انفتاحهم على الخورزميات لكن اقل مالإجازة في علوم الإعلامية و هنا يصير الإختلاف في المواد الأساسية و الفرعية كيفما (les systèmes logique - logique séquentielle ) كيف كيف تطوير مهارات المعرفية في مجال التكنولوجيا و أقل زادة من علوم الإعلامية (architecture des ordinateurs - traitement de signal - réseau ) و مواد اخرى اضافية كيفما technique de communication و anglais ... و في السنة الثانية يصير توجيه داخلي في الإجازة يا تكمل réseau ولا internet of things ولا système embarqué... 

و عندنا الإجازة في تكنولجيا الإعلامية حاجة طيارة و تتقرا في المعاهد العليا للدراسات التكنولوجيا 'ISET' اساسياتها développement - algo و شويا mathématique مع تركيز على تطوير المهارات الفردية متاع الطالب و طريقة تفكيرهم و انفتاحهم على الخورزميات و التطوير كيفما (les systèmes logique - développement ) كيف كيف تطوير مهارات المعرفية في مجال التكنولوجيا (architecture des ordinateurs - multimédia ) و مواد اخرى اضافية كيفما technique de communication و anglais ... و في السنة الثانية يصير توجيه داخلي في الإجازة يا تكون développement ولا informatique industrielle ولا système embarqué et Mobile ... 

و فما الإجازة في إعلامية التصرف الي هيا بصراحة من اكثر الحاجات المطلوبة توا بحكم العالم الكل متوجه لرقمنة المعلومات و الشركات الكل طالبة des systèmes d'information قويين برشا يسهلولها في التعامل مع clients باهي هي صعيبة مقارنة باجازات الإعلامية الأخرين الكل خاطرها تلمهم الكل تقريبا اساسيتها math - algorithme - domaine gestion و تعتمد في تكوينها على تطوير مهارات الطالب في مجال المعالجة و تحليل و تطوير البيانات الضخمة (Data science) و (Big Data) و تعتمد على تمكين الطلبة من مهارات في طريقة تفكيرهم و انفتاحهم على الخورزميات ( les systèmes logique - logique formelle - logique séquentielle ) و بالطبيعة كيف كيف تطوير مهارات التطوير في المجالات الإلكترونية ( développement des systèmes d'information - web - mobile ) و تمكين الطالب من مهارات في تحليل و تركيب بيانات متعلقة بمجالات الإقتصاد و التصرف و المحاسبة و السيولة المالية ( économie - gestion - comptabilité ) كيما تركز على مجال الشبكات و التحكم في المعلومات سريعة التنقل ( les Frameworks - réseau ) مع بعض المواد الثنوية (business communication - contrôle interne - organisation ) و في السنة الثانية يصير توجيه داخلي بالإجازة يا تكمل business intelligence او électronique service business ... 

:نحكيو توا على المرحلة الثانية ما بعد الإجازة (3سنوات) و اللي تتمثل في 3 حاجات

اولا بالنسبة لمراحل الماجيستر : فما المهني وفما البحث اللي تكمل منو مرحلة الدكتورا مش موجودين في تونس لكل يتوفروا في بعض الكليات و بطاقة استعاب محدودة و بش تتقبل فيها لازمك تكمل الإجازة متاعك 3 سنوات و تزيد تتوفر فيك شروط معينة كيفما ترتيبك في الجمهورية حسب الشعبة متاعك و حسن السيرة و معدلاتك في مواد معينة طيلة 3 سنوات

:ثانية الهندسة و تكون في حالتين

الأولى تقرى مرحلة تحضيرية علمية و تنجح في الكنكور و تدخل للمدارس الوطنية للمهندسين

 تلتحق بالمدرسة الوطنية للمهندسين بعد ما تكمل الإجازة متاعك لكن بشوروط صعبة قليلاً لازمك تكون متفوق خلال الثلاث سنوات و يكون ترتيبك من الأوائل في الجمهورية في شعبتك

اخيرا اجازة 3 سنوات و بعد تمشي تقرى privé (برشا فلوس) تقرى اما ماجيستر او هندسة

من بين المراحل الثانية نذكر ( machine learning - Data science - Big Data - Expert Réseau - cyber security - développement ...) ⁦

و بالطبيعة مع مرعات الإختلاف بين المواد لي تختلف من كلية الى كلية و التوجيه الداخلي كيف كيف